O alumnado de 5º e 6º de Educación Primaria participou nunha emocionante actividade de orientación, na que puideron poñer a proba as súas habilidades para traballar en equipo, localizar puntos e seguir pistas.
Foi unha xornada moi dinámica, na que combinaron aprendizaxe, exercicio físico e diversión ao aire libre. Sen dúbida, unha experiencia que lles axudou a coñecerse mellor e a disfrutar do entorno dunha maneira diferente.
Día das bibliotecas📚
Para conmemorar o día das bibliotecas dende o Ceip Plurilingüe do Xurés traballamos co conto "LUME" de Andrea Freire.
Primeiramente fíxose un apadriñamento lector onde os nenos e nenas maiores contáronlle o conto aos máis cativos. Logo desta actividade o equipo de biblioteca a través do kamishibai representou de novo este conto.
A biblioteca é un espazo de aprendizaxe onde todo o alumnado participa activamente nas diferentes actividades plantexadas.
Seguimos traballando desde a biblioteca, para ter canto antes preparadas as mochilas viaxeiras e que os nenos e nenas poidan disfrutar de lecturas e xogos coa familia.
O alumnado do centro participou nunha divertida e educativa saída a Funtastik o día 9 de outubro. Foi unha xornada chea de ilusión, movemento e aprendizaxe, na que os nenos e nenas puideron gozar dunha ampla variedade de inchables, zonas educativas e estruturas xigantes pensadas para o xogo e a exploración.
A actividade permitiu combinar o lecer activo coa convivencia e o traballo en equipo, fomentando valores como a cooperación, o respecto e a curiosidade. Sen dúbida, unha experiencia inesquecible que deixou grandes sorrisos e moitas ganas de repetir!
.jpg)
As nenas e nenos de 3º compuxeron e gravaron unha canción sobre Bande, o concello que están a traballar dentro do PDI “Coñecemos a Baixa Limia”.
A canción leva por título: "Así é Bande!"
As nenas e nenos de 5º de primaria entrevistaron a Pablo de MeteoLobios, dentro de actividades vencelladas ao programa Meteoescolas, no que está a participar o centro.
