ANIVERSARIOS DO MES DE XUÑO 🍰🎉

No día de hoxe celebramos o aniversario de Anxo e Álvaro. Feliz volta ao sol, que sexades sempre moi felices.

PARABÉNS!

Excursión fin de curso

Para rematar este curso escolar dunha maneira especial, todo o alumnado do CEIP Plurilingüe do Xurés realizou unha excursión á praia de Samil, en Vigo, acompañado polas súas familias e polo profesorado do centro.

Ao longo da xornada, os nenos e nenas desfrutaron dun día cheo de diversión, compartindo momentos de xogo, risas e convivencia nun entorno privilexiado. Ademais, puideron bañarse no mar e gozar da praia xunto aos seus compañeiros e compañeiras, creando recordos inesquecibles para pechar este curso.

Desde o centro queremos agradecer a participación e colaboración das familias, que contribuíron a facer desta saída unha experiencia moi especial. Desexámosvos un feliz verán e agardamos vervos de novo o vindeiro curso con moita ilusión e ganas de seguir aprendendo xuntos.

 PORTA DE MUÍÑOS

 CENTRO DE INTERPRETACIÓN DA AUGA DO PARQUE BAIXA LIMIA🌿

Nesta xornada realizamos unha visita ao Centro de Interpretación da Auga de Porta de Muíños, situado no Parque Natural Baixa Limia–Serra do Xurés.

Os cativos e cativas gozaron dunha experiencia moi enriquecedora, participando en actividades ao aire libre e descubrindo a importancia da auga e do medio natural. Ademais, puideron desfrutar do espazo natural da zona, observando a súa paisaxe e achegándose ao seu valioso patrimonio ambiental dunha maneira lúdica e educativa.