💜 Día Internacional contra a Violencia de Xénero 💜

Hoxe desfrutamos dunha xornada de contacontos na compañía de Cris de Caldas para commemorar o día Internacional da eliminación da violencia contra as mulleres.

         

            O mundo está nas nosas mans 🌍💜        

💗📙 LECTURA E FAMILIAS 📙💗

Hoxe contamos coa visita de nais voluntarias para iniciar as  LECTURAS EN FAMILIAS que terán lugar ao longo do presente curso. Foron unhas horas de ler moi especiais!

    

  O favorito dos máis cativos foi o dos tres porquiños!!

Alumnado de 4º, 5º e 6º de Educación Infantil

                   

Alumnado de 1º,2º e 3º de Educación Primaria

Alumnado de 4º, 5º e 6º de Educación Primaria.

Moitas grazas Familias! Agardámosvos a todos e todas aqueles que queirades participar nesta iniciativa.

Animádevos! Unha aperta!

                                  💕

SAMAÍN 🎃👻💀

Este mércores 30 de outubro festexamos o SAMAÍN no cole. Para iso, dividimonos en  grupos por idades para ir rotando polas diferentes estacións terroríficas. En cada unha delas, cada equipo foi conseguindo un ingredinte para finalmente facer as pócemas máxicas todos xuntos na bibLioteca.

ESTACIÓN DE XOGOS POPULARES 🏃🏀

RECEITAS TERRORÍFICAS 🍊🍌🍏😋

   

ESTACIÓN DE MAQUILLAXE 👻🎃

                                 ESTACIÓN DE BAILE🎵🎵

                            

OBRADOIRO DE CHAPAS

No 1º trimestre, con motivo da celebración da II Convivencia de Educadoras e Educadores Sociais que se celebra en Lobios anualmente (organizada polo Colexio de Educadoras e Educadores Sociais de Galicia); o alumnado do centro participou nun obradoiro de chapas co logotipo do centro educativo e tamén con imaxes de lugares da contorna. 

As chapas entregáronselle aos participantes na convivencia como agasallo.

Charo Pita: contos e lendas 📻🌄

No marco do programa Radio na Biblio, este xoves 13 de maio, o alumnado de 3º, 4º, 5º, e 6º de Educación Primaria recibimos a visita de Charo Pita. Charo Pita ensinounos como facer un guión radiofónico do programa "Xeografías Máxicas" baseado nas historias que ela mesma nos contou. Desfrutamos e gustounos moito as lendas que nos relatou e que tiñan por protagonistas a seres tan interesantes como Hércules, Pirene, Xerión ou Ortro, o cancerbeiro. 

Graciñas, Charo!!

 De ben seguro que aplicaremos todo o que nos ensinache nas nosas grabacións radiofónicas!! 

Convite á presentación do PDI "Coñecemos o pasado; vivimos o presente"

 

Día da Bici!! 🚵🚴

Este mércores 12 de xuño, o alumnado de 4º, 5º e 6º de Educación Primaria celebramos o Día da Bici cunha ruta dende o noso cole, pasando por Vilameá ata Río Caldo. Unha vez alí, fixemos unha pequeniña ruta a pé para coñecer de préto unha das paisaxes máis fermosas do noso parque natural: a Corga da Fecha. Logo, xantamos e desfrutamos das augas termais de Río Caldo! Xa pola tarde, regresamos en bici ao cole! 

Foi unha xornada moi bonita, na que puidemos gozar cos nosos compañeiros das nosas paisaxes e do deporte, compartindo moitos de nós as nosas afeccións favoritas. Repetiremos! 

Podedes ver un resumo desta xornada a continuación, pero antes queremos facer un agradecemento ao grupo do GES de Lobios - en especial a Sonia e Jose Antonio - que nos escoltaron durante todo o traxecto e coidaron, en todo momento, da nosa seguridade!