Conmemoración das Letras Galegas: Programa de Radio 📻

O alumnado de 5º e 6º fixemos un percorrido polas curiosidades que marcaron a celebración do Día das Letras Galegas, facendo fincapé na biografía da homenaxeada este ano, Luísa Villalta. 

Podedes escoitar o noso programa no seguinte reprodutor

Obradoiro de títeres🤡

Este venres día 10 de maio - no marco da Biblioteca Creativa e dos Polos Creativos - sacamos a nosa vea máis creativa da man dun obradoiro de títeres presentado por Ton Arenas. 

Ton ensinounos algunha das fabulosas creacións que fai, as máis delas de cartón, e incluso tivemos a oportunidade de vestir algunha das súas máscaras. 

Logo, ensinounos a facer títeres a base de cartón! 

Pasámolo xenial! Aquí vos deixamos un resumo! 
Graciñas Ton!!!

Botádelle un ollo ás nosas creacións! 

Día do Libro 📗📖

Este martes día 23 de abril festexamos o Día Internacional do Libro. 

No recreo, aproveitamos o sol e bo tempo para levar a cabo unha actividade de lectura compartida na que os máis grandes lle lemos aos máis pequeniños. 

Pola tarde, asistimos ao concerto de Paco Pakolas onde tamén nos acompañaron as nosas familias, 

os pequenos das Casas Niño de Lobios, os maiores da Casa do Maior "Arco da Vella", os maiores da Residencia "Virxe do Xurés" e algúns veciños de Lobios. 

Obradoiro de Xogos Bailados e Enredos💃♪🎵

 Este venres día 19, o alumnado de 4º, 5º e 6º de Educación Primaria participamos nun obradoiro de "Xogos Bailados e Enredos". Dende a área de Educación Física, organizáronnos esta xornada e aprendemos un montón de danzas e enredos da man de Lito Prado. 

Pasamos unha mañá estupenda, bailando, rindo e enredando moito!! 

Aquí vos deixamos unha mostra!!

Convite aos festexos do Día do Libro

DÍA DA EDUCACIÓN FÍSICA NA RÚA 🏃

Este mércores 18 de abril, celebramos xunto cos nosos compañeiros do CEIP Xoaquín Lourenzo de Bande, o día da Educación Física Na Rúa. 

Foi unha xornada fermosa e moi divertida na que fixemos grupo cos amigos de Bande para facer un xogo de orientación que nos levou a percorrer a vila de Bande e superar doce retos. Ao final da xornada, construímos un puzzle no que descubrimos o lema do día "A Educación Física e a saúde mental":  

A actividade física axúdanos a suar as pequenas cousas que nos alonxan da felicidade!

Deixámovos unha mostra deste día nas seguinte imaxe e vídeo!

Agardamos que vos guste! 🌟⭐

DONAS DE SÍ - Luísa Villalta👩📖🎻

Hoxe, 16 de abril, recibimos a visita da asociación Polo Correo Do Vento. Nunha actividade enmarcada no Plan Proxecta + DONAS DE SÍ, coñecemos máis polo miúdo a figura de Luísa Villalta, homenaxeada este ano nas Letras Galegas. 

O escritor Enrique Mauricio Iglesias e a ilustradora Tania Solla, autores do biografía "Tinta do mar", contáronnos unha chea de datos interesantes sobre Luísa. 

Ademais, ensináronnos a facer un retrato da autora.