MAGOSTO! 🌰

O noso centro celebrou o Magosto  no Río Caldo xunto a compañeiros e compañeiras doutros centros educativos da Baixa Limia.

Durante a mañá gozamos dun ambiente festivo, compartindo actividades, xogos populares e, por suposto, as castañas asadas que non podían faltar nun día así. Foi unha oportunidade para reforzar lazos entre centros e desfrutar da natureza nun contorno privilexiado.

Agradecemos a participación de todo o alumnado e profesorado, así como a boa disposición dos centros colaboradores.