O alumnado de quinto e sexto de Educación Primaria, dende a materia de Ciencias da Natureza, creamos un lapbook e grabamos un programa especial de radio co fin de promocionar e recomendar hábitos saudables no marco do Plan Proxecta+ "Moita vista na escola".
venres, 31 de maio de 2024
mércores, 29 de maio de 2024
Exhibición da Garda Civil e Ges de Lobios🚓 🚁🚑🚒
venres, 24 de maio de 2024
Día dos Parques Naturais 💚🌄 🌳🌲
Con motivo do día dos Parques Naturais e no marco do Plan Proxecta+ "O monte vivo", este venres 24 de maio participamos nunha actividade organizada polo Parque Natural Baixa Limia - Serra do Xurés, en colaboración coa Consellería de Medio Ambiente e cambio climático.
Primeiro, achegámonos á sede do Parque para participar na votación "Vota pola natureza" e escoller dúas especies do Parque: unha de fauna e outra de flora.
Finalmente, achegámonos a área recreativa de Río Caldo para xantar e xogar un pouco!
Foi un día estupendo no que desfrutamos do noso parque,
confirmando que o Xurés está máis vivo ca nunca!
💚🌄
xoves, 23 de maio de 2024
Yolanda Castaño conta "Coller as rendas"
No marco do programa, Lectura e Familias, este xoves día 23 de maio, visitou o noso cole a poetisa e escritora Yolanda Castaño. Primeiro, puxemos en común que é para nós a poesía e algunhas das súas características máis destacadas: a rima, os versos, as estrofas...
A continuación, presentounos e leunos o seu libro "Coller as rendas", un poemario protagonizado por animais pouco frecuentes nos libros de contos como o cachalote, o percebe, o berberecho, a carracha ou a vaca cachena. Todos eles loitaban por atopar o seu camiño e tomar as rendas da súa vida.
xoves, 16 de maio de 2024
Día das Letras Galegas: Luísa Villalta🎻📖
Este xoves 16 de maio, conmemoramos o Día das Letras Galegas que se celebra mañá e que homenaxea á escritora e violinista Luísa Villalta.
Xuntámonos ao redor do mural da ilustración de Luísa, que creara a ilustradora Tania Solla cando visitou o noso centro hai un par de semanas.
Ao longo desta semana, fomos creando viñetas de banda deseñada sobre a vida de Luísa. Hoxe montamos os puzzles destas viñetas e expuxémolas!
A maiores, os compañeiros de 5º e 6º leron unha biografía e fixeron un repaso pola vida de Luísa.
mércores, 15 de maio de 2024
Día das Familias 💚💙
No marco do programa Polos Creativos e Biblioteca Creativa, traballamos arreo todo este terceiro trimestre en talleres de creación, confección e costura de bolsas e marcos de fotos para agasallar ás nosas familias nun día tan especial como o 15 de maio!
Agardamos que vos gusten, familias!!
Graciñas por todo!! 🌟✨
Programa de Radio: Escritoras Relevantes 👩📚📻
Con motivo da commemoración das Letras Galegas e no marco do Plan Proxecta+ "Donas de Sí", dende a Radio Xurés, o alumnado de 5º e 6º de Educación Primaria convidamos aos nosos compañeiros de 3º e 4º para que fixeran un repaso polas escritoras máis relevantes que loitaron pola reinvindicación dos dereitos das mulleres e a igualdade de xénero.
Deixámosvos aquí o noso podcast para que o escoitedes!
martes, 14 de maio de 2024
Conmemoración das Letras Galegas: Programa de Radio 📻
venres, 10 de maio de 2024
Obradoiro de títeres🤡
Este venres día 10 de maio - no marco da Biblioteca Creativa e dos Polos Creativos - sacamos a nosa vea máis creativa da man dun obradoiro de títeres presentado por Ton Arenas.
Ton ensinounos algunha das fabulosas creacións que fai, as máis delas de cartón, e incluso tivemos a oportunidade de vestir algunha das súas máscaras.
Logo, ensinounos a facer títeres a base de cartón!
Pasámolo xenial! Aquí vos deixamos un resumo!
Graciñas Ton!!!