A ARTE DENDE O XURÉS: PINTURA, CINE E ESCULTURA

Durante o primeiro trimestre, todo o alumnado do centro participou no Proxecto Documental Integrado (PDI), centrado nesta ocasión na pintura, a escultura e o cine. Cada curso realizou diferentes actividades, investigando artistas, técnicas e formas de expresión artística.

O traballo desenvolvido deu lugar a creacións moi variadas, cheas de creatividade e aprendizaxe. Estes proxectos reflicten o esforzo do alumnado e o valor da arte como ferramenta educativa.

Nos vindeiros meses, afondaremos noutras disciplinas artísticas como son a literatura, a música entre outras.

                                                                    Parabéns a todos polo excelente traballo realizado!

 

A arte dende o Xurés: creando dende a biblioteca do cole💡

A biblioteca do noso centro é un espazo vivo de aprendizaxe, creatividade e inspiración. No marco do PDI “A arte dende o Xurés”, o alumnado realizou distintos traballos artísticos. 

A través destas actividades, desenvolvidas dende a biblioteca escolar, o alumnado puido achegarse á arte. Libros, imaxes, investigación, imaxinación e traballo en equipo foron os piares deste proceso creativo.

As fotografías que acompañan esta entrada recollen algúns dos momentos e dos resultados deste traballo: creacións cheas de cor e significado.

Seguimos facendo arte e coñecemento dende o XuréS.

 🎉Aniversarios do mes de decembro🎉

Este mes tocou festexar os aniversarios de Diego alumno de 2º curso e Nerea alumna de 6º curso.

Feliz volta ao sol, que sexades sempre moi felices.

PARABÉNS!

Concurso de Nadal no noso colexio🎄✨

O alumnado participou con moita ilusión elaborando diferentes detalles de Nadal, demostrando a súa creatividade, esforzo e ganas de participar.

Houbo un gañador ou gañadora por cada curso, que recibiu un premio polo seu traballo. Ademais, todos os nenos e nenas que participaron no concurso tiveron tamén un pequeno detalle como agradecemento.

Dende o cole queremos dar os parabéns a todas e todos os participantes polo gran traballo realizado e animar a  todos os nenos e nenas a colaborar e participar nos próximos concursos e actividades do colexio, xa que o máis importante é participar, aprender e gozar xuntos.

 A ARTE DENDE O XURÉS: CREANDO IDENTIDADE A TRAVÉS DA ESCULTURA

Dentro do Proxecto Documental Integrado (PDI), o noso colexio traballou a arte desde O Xurés, coñecendo e valorando o patrimonio artístico máis próximo. Grazas á visita do artista Toño Monteiro, o alumnado participou na creación dunha escultura chamada Lobio, que fai referencia á orixe do nome do noso concello.

Esta experiencia permitiunos afondar na escultura como disciplina artística, coñecendo os seus procesos e materiais, e reforzando a importancia da arte como parte da nosa identidade cultural.

 BAIXO O MESMO PARAUGAS 

3 de decembro: Día Internacional das Persoas con Discapacidade

Data que nos convida a reflexionar sobre a importancia de construír espazos máis inclusivos, accesibles e respectuosos.

Unha discapacidade non define a unha persoa: son os seus talentos, soños e capacidades os que realmente contan. Na nosa escola temos a oportunidade de crear espazos onde cada estudante poida sentirse visto, escoitado e acompañado.

🎉Aniversarios do mes de novembro🎉

Este mes tocou festexar os aniversarios de Lois e da mestra Cora.

Feliz volta ao sol, que sexades sempre moi felices.

PARABÉNS!