🎉Aniversarios do mes de novembro🎉

Este mes tocou festexar os aniversarios de Lois e da mestra Cora.

Feliz volta ao sol, que sexades sempre moi felices.

PARABÉNS!

 

25N: Xuntas e xuntos contra a violencia de xénero 

Esta semana, con motivo da conmemoración do Día Internacional da Eliminación da Violencia contra a Muller, o noso centro participou nunha actividade que implicou a toda a comunidade educativa.

Os nenos e nenas prepararon tarxetas con lemas creados por eles mesmos, mensaxes cheas de creatividade, sensibilidade e compromiso. Os cativos e cativas reflexionaron na aula sobre a importancia do respecto, da igualdade e da convivencia.

Ao longo da mañá, o alumnado percorreu os distintos establecementos do pobo para repartir as súas tarxetas. Comercios, bares e oficinas recibiron con agarimo estes pequenos recordatorios de que a loita contra a violencia de xénero é unha tarefa de todos e todas.

Agradecemos enormemente a colaboración dos establecementos, que acolleron a iniciativa, e tamén ao noso alumnado, que volveu demostrar que a educación é a mellor ferramenta para construír un futuro máis xusto e igualitario.

Porque cada palabra conta, cada xesto suma.

 

MAGOSTO! 🌰

O noso centro celebrou o Magosto  no Río Caldo xunto a compañeiros e compañeiras doutros centros educativos da Baixa Limia.

Durante a mañá gozamos dun ambiente festivo, compartindo actividades, xogos populares e, por suposto, as castañas asadas que non podían faltar nun día así. Foi unha oportunidade para reforzar lazos entre centros e desfrutar da natureza nun contorno privilexiado.

Agradecemos a participación de todo o alumnado e profesorado, así como a boa disposición dos centros colaboradores.