Celebración do Samaín 👹

No noso centro escolar celebramos un ano máis o Samaín cunha xornada chea de creatividade, misterio e moita diversión. O alumnado participou con entusiasmo na elaboración das súas manualidades máis terroríficas, deixando voar a imaxinación con cabazas monstruosas, criaturas fantásticas e decoracións propias desta época do ano.

Para pechar a celebración, realizamos a tan esperada entrega de premios, na que recoñecemos o esforzo e a orixinalidade das propostas presentadas. Foi un momento especial, compartido entre risas e o orgullo polo gran traballo realizado por toda a comunidade educativa.

O Samaín converteuse así nunha oportunidade perfecta para aprender, convivir e manter viva unha tradición.

🎉 Aniversarios do mes de outubro 🎂 

Queremos felicitar con moito agarimo a todos os nenos e nenas que cumpriron anos nestas semanas. Foron momentos cheos de alegría, sorrisos e moitas ganas de compartir.

Desexámosvos un novo ano cheo de aventuras, ilusión e aprendizaxes. 💫

Parabéns a todos e todas! 🎈

 

🧭 Actividade de orientación para 5º e 6º de Primaria

O alumnado de 5º e 6º de Educación Primaria participou nunha emocionante actividade de orientación, na que puideron poñer a proba as súas habilidades para traballar en equipo, localizar puntos e seguir pistas.

Foi unha xornada moi dinámica, na que combinaron aprendizaxe, exercicio físico e diversión ao aire libre. Sen dúbida, unha experiencia que lles axudou a coñecerse mellor e a disfrutar do entorno dunha maneira diferente.

Día das bibliotecas 2025

Día das bibliotecas📚

Para conmemorar o día das bibliotecas dende o Ceip Plurilingüe do Xurés traballamos co conto "LUME" de Andrea Freire.

Primeiramente fíxose un apadriñamento lector onde os nenos e nenas maiores contáronlle o conto aos máis cativos. Logo desta actividade o equipo de biblioteca a través do kamishibai representou de novo este conto. 

A biblioteca é un espazo de aprendizaxe onde todo o alumnado participa activamente nas diferentes actividades plantexadas.

Seguimos traballando desde a biblioteca, para ter canto antes preparadas as mochilas viaxeiras e que os nenos e nenas poidan disfrutar de lecturas e xogos coa familia.

Saída a Funtastik en Expourense

O alumnado do centro participou nunha divertida e educativa saída a Funtastik o día 9 de outubro. Foi unha xornada chea de ilusión, movemento e aprendizaxe, na que os nenos e nenas puideron gozar dunha ampla variedade de inchables, zonas educativas e estruturas xigantes pensadas para o xogo e a exploración.

A actividade permitiu combinar o lecer activo coa convivencia e o traballo en equipo, fomentando valores como a cooperación, o respecto e a curiosidade. Sen dúbida, unha experiencia inesquecible que deixou grandes sorrisos e moitas ganas de repetir!